প্ৰধানমন্ত্ৰীৰ অধ্যক্ষতাত গুৰুত্বপূৰ্ণ কেবিনেট বৈঠক নিৰাপত্তা বিষয়ক
প্ৰধানমন্ত্ৰী নৰেন্দ্ৰ মোডীৰ অধ্যক্ষতাত বুধবাৰে প্ৰথমবাৰৰ বাবে কেবিনেট আৰু কেবিনেট কমিটি অন ছিকিউৰিটিৰ বৈঠক অনুষ্ঠিত হৈছে। দিনৰ ১১ বজাৰ পৰা প্ৰধানমন্ত্ৰী নৰেন্দ্ৰ মোডীৰ বাসগৃহত আৰম্ভ হৈছে এই বৈঠক।
‘অপাৰেচন সিন্দুৰ’ৰ পিছত লব লগা কৌশল, পহলগাম সন্ত্ৰাসবাদী আক্ৰমণৰ তদন্ত আৰু যুদ্ধবিৰতিৰ পিছৰ পৰিস্থিতিৰ বিষয়ে আজি অনুষ্ঠিত হ’বলগীয়া বৈঠকসমূহত আলোচনা হ’ব পাৰে বুলি ধাৰণা কৰা হৈছে।যিহেতু পাকিস্তানৰ সীমান্তত যুদ্ধবিৰতিৰ পিছত প্ৰথমবাৰলৈ প্ৰধানমন্ত্ৰীৰ অধ্যক্ষতাত কেবিনেট বৈঠক অনুষ্ঠিত হৈছে।
কেবিনেট বৈঠকত সকলো কেবিনেট মন্ত্ৰীয়ে অংশগ্ৰহণ কৰাৰ বিপৰীতে চিচিএছৰ বৈঠকত প্ৰতিৰক্ষা মন্ত্ৰী, গৃহমন্ত্ৰী, বিত্তমন্ত্ৰী আৰু ৰাষ্ট্ৰীয় নিৰাপত্তা উপদেষ্টা (এনএছএ) অজিত ডোভালৰ সৈতে প্ৰধানমন্ত্ৰী মোদীৰ অংশগ্ৰহণ । সূত্ৰ অনুসৰি, প্ৰতিৰক্ষা মন্ত্ৰালয়, গৃহ পৰিক্ৰমা মন্ত্ৰালয় আৰু বৈদেশিক পৰিক্ৰমা মন্ত্ৰালয়ৰ শীৰ্ষ বিষয়াসকলৰ প্ৰতিবেদন আৰু চোৰাংচোৱাৰ তথ্যৰ ভিত্তিত বৈঠকত এক বৃহৎ সিদ্ধান্ত গ্ৰহণ কৰিব।
পহলগাম আক্ৰমণৰ পিছত পূৰ্বৰ চিচিএছৰ বৈঠকতো প্ৰতিৰক্ষা মুৰব্বী (চিডিএছ) আৰু তিনিওজন সেৱাৰ মুৰব্বী উপস্থিত আছিল। আজিৰ বৈঠকত নিৰাপত্তা সম্পৰ্কীয় গুৰুত্বপূৰ্ণ সিদ্ধান্তও ল’ব বুলিও অনুমান কৰা হৈছে। ভাৰত-পাকিস্তান সীমান্তৰ উত্তেজনা আৰু জম্মু-কাশ্মীৰৰ সাম্প্ৰতিক পৰিস্থিতিৰ প্ৰতি লক্ষ্য ৰাখি এই বৈঠকক অতি গুৰুত্বপূৰ্ণ বুলি ধাৰনা কৰা হৈছে।